सरस्वती मंदिर ट्रस्ट ही ठाण्यातील नामांकित शिक्षण संस्था असून जवळ जवळ सात दशकांची शैक्षणिक, सांस्कृतिक, विज्ञान, क्रीडा क्षेत्रामधील देदीप्यमान, उज्ज्वल परंपरा संस्थेस लाभलीआहे. शाळेची स्थापना संस्थापिका विश्वस्त श्रीमती विमलाताई कर्वे यांनी सहकारी विश्वस्त डॉ.चि.श्री. कर्वे व श्री. ग ना. गाजरे यांच्या सहकार्याने १९५२ साली केली. 

​

ठाण्यातील शैक्षणिक उत्कृष्टतेचे प्रतीक असलेली एक प्रतिष्ठित संस्था आहे. गेल्या सात दशकांहून अधिक काळ या संस्थेने शिक्षण,  भारतीय संस्कृती, विज्ञान आणि क्रीडा या विविध क्षेत्रांमध्ये उल्लेखनीय कार्य करून महाराष्ट्राच्या वैभवशाली शैक्षणिक परंपरेत आपला वैशिष्टपूर्ण ठसा उमटविला आहे.

 

प्रामाणिकपणा, परिपूर्णतेचा ध्यास आणि उत्कृष्टतेसाठीची अखंड निष्ठा, या गोष्टी सरस्वती मंदिर परिवारातील प्रत्येक सदस्याचे गुण वैशिष्ट्य आहेत. ठाणे शहराने मागील दोन दशकांत लोकसंख्या, सामाजिक आणि आर्थिक रचनेत लक्षणीय बदल अनुभवले आहेत. त्याचबरोबर, आधुनिक तंत्रज्ञान आणि नाविन्यपूर्ण शैक्षणिक पद्धतींमुळे शिक्षण क्षेत्रातही आमूलाग्र परिवर्तन घडले आहे.या

 

बदलत्या काळातही, सध्याचे विश्वस्त मंडळ संस्थेच्या वैभवशाली परंपरेला जपत, नव्या युगाशी सुसंगत अशी प्रगती साधण्यासाठी कटिबद्ध आहे. त्यांच्या अथक प्रयत्नांद्वारे ते कुशल, परिश्रमी आणि सामाजिकदृष्ट्या जबाबदार नागरिक घडविण्याच्या ध्येयासाठी अविरत प्रयत्नशील आहेत — हेच सरस्वती मंदिर ट्रस्टचे खरे वशिष्ट्य आहे.